انا وانت بنتذكر ايام زمان ؟ *** يوم ماروحنا بعز الكيلية علي جدتي
مااحلي الكمحات وجدتي بتجمعهم *** بتلف ايدها علي المطحنة الكديمي
وثوبها المطرز المورد عاصدرها *** والخطين الاحمر والاسود بذاكرتي
تذكرت ولا لسه ؟...طيب اذكرك *** ركز معي خيو... وين كنا نلعب الغميضي
بارض اجدادنا المليانه خضرة *** واكلنا برتقان ورومان والعنب الخليلي
وكنا نسمع صورت الثورة *** و كتلنا يهود كتير والفدائية بكل مديني
ونسمع للحكواتي من ورا الدار *** ويحكي كصص بطولية بكل لهجة فلسطيني
بالكدسي والنابلسي واليافاوي *** والغزاوي والبربراوي والتروكومي
فاكر لمن اطلعناعالصفيحة الكبيرة *** نتفرج علي عرس جيرانا والدبكي
يالله لو ترجع هالايام خيي *** ياويلي من حبي لبيتنا الكديم
فيها الحيطان الغالية بتتذكرني *** وانا زغيري اول ما حبيت عالكليم
ونفس الحيطة سندتني لمن امشيت *** ولمن اوكعت امي تتلكاني وتسمي بالرحيم
قولي مين يرجعلي ايامي الحنوني *** وحضن بيتي وارضي وجاري الكريم
شو اتذكر لمن اتذكر .اخ يازمن *** مابدي لا تلفزيون ولا راديو بحكو تكدم كال
بدي اسمع ام كلثوم وعبد الحليم *** مابدي صرعات زي اغاني هالايام
واعيش علي خبز الطابون الزاكي *** وانام علي الحصيرة واتغطي بريش نعام
كال بنا نكلد الاجانب والفرنجية *** وبكولوا تطور وحضارة بدونهم حرمان
مااحلي من بلادي وبلادك *** ونعيش بحرية ومحبة وسلام
تيجي نزور ستي وناخذ منها كثير؟ *** لهجتك الضايعة وهيبة عرب زمان
روحنا مااسمعنا الا لطم وصريخ *** ماتت ستي... ووصتنا بوصية لكمان
اكيد انت بتعرف شو بتكصد ستي *** بدها ترجع الدار وفرح لكل انسان
معي المفتاح ومعك البندكية *** يلا ماتترد خلينا نرجع الكدس وبيسان
عندي موتت بحصرتي ياخيي *** وين الاكي الفدائي المقاوم المقدام؟
دموعي صارت بحور دم وهوان *** بس ماحدا شفك علي وصرت نسيان
بدي ادعي واتحسب عليكم كثير *** ومابدي اسمع لوم وماحد يراجعني بعتبان
الله يرحمك ابو الكوفية السمرا *** طول عمره تعبان مع الشعب الشكيان
عمري ما بنساك ابو عمار *** موتت وراسك مرفوعة مثل الجبال
صدك سميح شكير وهو بغني *** ان عشت فعش حرا او موت كالاشجار
*** وقوفا وقوفا كالاشجار***
هناك تعليقان (2):
بصراحه ما فهمت المقصود؟
هل هو سخرية وتهكم على الوضع العام ؟ او عاالهجه الفلسطينيه؟ لانه ماعرفت شو اللهجه هي خليط من لجات كتير على لبناني على مصري
وهي خاطرة؟ ولا شو؟ لا هي شعر ولا نثر
لكن الموقع هادف وجاد ووطني ؟
عن جد مافهمت شو المقصود
اتمنى اعرف
ابو عرب الفلسطيني
بسم الله الرحمن الرحيم
مقطوعه حلوة وتصوير حلو وطريف لواقع الحياه الفلسطينية باللهجة المحكية. والاخت كاتبة الموضوع ما قالت قصيده هي قدمت نص وللاخ ابو عرب اقول انه لو دقق بالنص سيكتشف ان الكاتبة تعمدت تحكي بعدة لهجات لان فلسطين اصلا بتضم عدة لهجات لهجات المدن غير لهجات القرى ومرات كل قرية الها لهجة مختلفه. وهي ايضا عددت عدة قرة ومدن حتى تبين ان اللهجات مختلفه
وما بعرف ليش صار شك عند الاخ ابوعرب ان ممكن يكون موضوع سخرية بالعكس هو يمكن في كوميديا ساخرة من الاوضاع لكنه نص حلو ومعبر
اشكر الاخت صاحبة المدونة
والى الامام
جيفارا الفلسطيني
إرسال تعليق